Dabbi og erlendu lánin

Sá Dabba peningakóng tjá sig um hætturnar af erlendum lánum í fréttunum.  Í stuttu máli þá fann hann þeim allt til forráttu en fór samt ekki útí nein dæmi enda veit hann að krónulánin eiga ekki möguleika á móti erlendu myntunum.

Dabbi minn, ég er með húsnæðislán sem hefur hækkað um tæpar 2 milljónir á aðeins tveimur árum og það er í þinni heittelskuðu krónu (lánið var rétt um 10mill en er komið í tæpar 12).  Hvernig væri að hugsa dæmið útfrá litla manninum. 

Erlendu lánin bjóða uppá lága vexti, enga verðtryggingu, lága greiðslubyrði og hraðari eignarmyndun. Verðbólgumarkmiðin hérna hafa ekki verið í takt við raunveruleikan svo að sjálfsögðu flýr fólk í erlendu lánin.  Við fengum ekki öll 20% launahækkun á hálfu ári einsog sumir.